La Lontananza
|
Edission original: |
Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
| Edission e fonte ▼ |
Aveva el cuor tra l'alegrezze e 'l riso
Quando soleva inanzi andar de fuora,
E quando che tornava, in mia malora;
Me parerà partir dal paradiso.
Adesso mo, che son via da quel viso,
Che me nete sul cao la dalaora,1
Maledisso dolente el ponto e l'ora
Che m'à da tanto ben, gramo! diviso
Là l'aqua me pareva de cristal,
I campi che ridesse, e la Natura
Me fesse inanzi i ochi un cameval;
Adesso torbia me par l'aqua e scura,
E vedo quel che vedo per mio mal
Senza la cara angelica figura!
- ↑ Sorte di manaja, stromento noto fra gli operai dell'Arsenale.