I morti de San Zanipolo
|
1917
|
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← I xe quà! | Edission e fonte ▼ | El Seteçento de Anzolo Emo → |
Cascàda la bomba
su San Zanipolo
s'à alzà da la tomba
4un àtimo solo
quei morti! La guera
l'à intesa anca loro,
frementi i Bandiera,
8Domenico Moro!
Oh! Se i la ricòrda
la bestia grifagna
che sangue e che corda
12per nu no sparagna!
I è morti a Cosenza
ma chi no li à visti
con altra presenza
16in Sauro e Battisti?
El primo martirio
e l'ùltimo à fato
in sacro delirio
20sublime el riscato.
La Patria li onora,
per Ela i xe stai
in quela prima ora
24i primi soldai.
A quel sangue sparso
quanto altro s'à unìo
da l'Àdige al Carso?
28Lo sa solo Dio!
Ma sarà redento
co cuor venezian
da Spàlato a Trento
32el sangue italian!
- Note a cura de l'autor
- ↑ La chiesa dei Santi Giovanni e Paolo.