I xe quà!
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← Per l'aria, bona guardia! | Edission e fonte ▼ | I morti de San Zanipolo → |
Sindaco di Venezia.
Maria!... La sirena!
Su Toni! su, Piero!
Su, svelti che i vien!
Zo, zo in magazèn!
5Madòna,1 la vegna!
"Mi no, benedeto:
la bomba xe inçerta,
bronchite sicura,
mi resto in t'el leto!"
10La staga, mi coro!
I riva dal Lido
sti cani, i xe qua'!
Pim! Pum! La difesa
ga za scominçià....
15Za tira i canoni,
i sciopi e tac-tac
le mitragliatrici.
Copé quei baroni
che ne vol copàr!
20La zo, a la Zuèca2
gh'é i razzi, gh'é i foghi
co' fà al Redentor!
Buum! Casca una bomba
un'altra, altre do,
25paréa el teremoto!
San Marco xe salvo!
Dio sia ringrazià!
Vòi méterghe un voto!
Ma San Zanipolo
30ma i Scalzi, San Piero
la ciesa gloriosa
de Maria Formosa
ai nostri nevodi
i ghe contarà
35che Àtila ancòra
de quà xe passà!
Se i perde Gorizia,
se i vede a Trieste
che i sta per slogiàr,
40i vien qua per rabia,
per trista vendeta
sti bògie, i destruze
piture e colone,
i manda un afresco
45del Tiepolo in çénere
sti bàrbari novi!
Sì, tanto per far,
per far qualche mal,
ma in fondo, Venezia
50no i sa spaventar!
Se trema, se core
dov'è sta el malàn
se pianze, se more....
Venezia ogni piera
55tien sacra, ma gh'é
richezze a mièra
mai tanta belezza
desfàr podaré!
Ma eco se leva,
60là da l'Arsenàl,
tre o quatro reoplàni.
Xe qua' i difensori
dei nostri tesori!
I core a la cazza
65del mostro infernàl,
za, za i ghe xe sora
za i tira: un dei cani
cascà xe in canàl!
El par un cocàl3
70ferìo soto un ala!
Eviva San Marco!
Ancùo semo sani!
Che i torna quei bogie
se i vol far sparàgni,4
75se i vol senza spender
a Lio5 far i bagni!
Dixeva mio nono
che nel quarantoto
le bale rivava
80fin soto Castelo
e là, da Marghèra,
tonava el canòn!
Ste bombe xe pezo
le fa assàe più dano,
85ma alora un malàno,
do, anzi, ghe gera:
la fame e el coléra!
Pur dixe Manin:
"Venezia a ogni costo
90resista!" Per Dio,
pel nostro San Marco
la ga resistìo!
Ancùo per fortuna,
pur co carestìa,
95la fame xe rara
la zente sta ben...
e anca sta volta
Venezia, çità
eterna, serena
100la resistarà....
El so Campaniel
la so nova storia
contempla dal çiel!
Alora de un dose
105Manin gavéa el nome,
ma lu ga savesto
San Marco ilustràr,
quel dose più presto
l'à fato cascar!
110Ancùo rapresenta
Venezia e da ani
un nobile autentico:
Filipo Grimani.
El xe Senator
115ancùo finalmente....
No sa quei signori
che sempre i Grimani
xe stai Senatori?
- Note a cura de l'autor