Per l'aria, bona guardia!
|
1917
|
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← L'altra riva | Edission e fonte ▼ | I xe quà! → |
Le nùvole rote
da la tramontàna,
sui copi, de note,
4xe bruta l'altàna....
Che fredo che mete
nei ossi quel vento!
(la luna baosète1
8la fa ogni momento).
Sofìta fin geri,
caserma de ancùo,
stramàzzi,2 pitèri,3
12un gran banco nùo....
'Na scala che sconta
va su al luminàl,4
vedèta che monta
16sul nostro Arsenàl!
I oci combate
col sono invadente....
Ma, atenti! se i bate,
20se riva el tenente!
De zorno xe un spasso,
gh'è più distraziòn,
gh'é i gati e, dabasso,
24'na tosa al balcòn!
Colombi, a vedérve
ne vien alegria....
po vien su le serve
28co la biancarìa...!
De sera, bisogna
dar aqua ai pitéri....
Chi xe che se insogna
32la noia de geri?
Ma, verso el tramonto,
se struca un fià el cuor
a chi à drento sconto
36un sogno de amor.
La xe un poco trista
la guera sui copi;5
ma, quando i xe in vista,
40mai i oci xe tropi!
"L'alàrme! I xe qua!"
Za tuti xe fora!
Za tuti à pontà!
44"Tiréghe! Che i mora!"
Xe forte e glorioso,
del çiel soto l'arco,
star senza riposo,
48difénder San Marco!
- Note a cura de l'autor