I vênti de marzo!
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Sol che nasse e sol che mor | Edission e fonte ▼ | Venezia al Duca dei Abruzi → |
I VÊNTI DE MARZO!
Me piase i ventesei de sta stagion
che basa i bocoleti apena nati,
tanto i me piase quando, cofà mati,
4fischiando i me vien drento del balcon.
No i xe fredi, no i xe, ma tiepideti
e i ve sbrissa sul viso fa' careze:
ah! per mi proprio sè le gran beleze,
8venteseli de marzo benedeti!
E me piasè quando, co' piova e pocio,
a qualche popolana birichina,
fasendoghe svolar la sotanina,
12ghe fè mostrar su... su... fin el zenocio...
Sì, sempre me piasè... cavando el caso
che passando una cale, sul più belo,
me sentisse, per vu, piovar dal... çielo
16quel tal piter che me rompesse el naso!!