Venezia al Duca dei Abruzi
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← I vênti de marzo! | Edission e fonte ▼ | A l'Esposizion de Venezia - Palpiti di primavera → |
VENEZIA AL DUCA DEI ABRUZI.
Varè che Sol, che çielo incantador,
Venezia ancuo xe tuta ingaluzia,
la ga un'aria de dona insuperbia,
4la ga un'aria da Re, da Imperador.
Fioi che zogia, che zogia, mo' che onor:
là, de fassa del Tempio1, intenaria
Venezia aclamarà co' frenesia
8el forte Duca, esempio de valor.
La ghe dirà che drento del so peto
la tien serà per lu in un masso solo
11l'amor, la tenereza, el ben, l'afeto;
la ghe dirà che fredo e che rigori
qua no gh'è de l'Atlantico e del Polo,
14ma el palpito, el calor de tuti i cuori!!!
Venezia, 23 aprile 1901.
- Note a cura de l'autor
- ↑ San Marco.