I vicoli

by Vittorio Vitturi

3 I vicoli Strade e vicoli Brindisi El terno Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

I vicoli

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  Brindisi

Edission e fonte ▼

El terno  →

I VICOLI

     Po’ su, po’ zò, i è tuti quanti stessi
Sti siti de miserie e de dolori;
Umidi, scuri e pieni de fetori
Che a starghe un ano solo moriressi.

     Ma là i afiti i costa póchi bessi,
Ciapadi¹ a stento, a forsa de sudori;
Là, dove no ghe mete piè i signori,
Quanti ghe vive, mai no ’l credaressi!

     I fa vita in comun fra tuti quanti;
E in meso a tanta gente bisognosa
Missiadi² su co i boni gh’è i birbanti.

     Fe quatro passi e dèghela ’n’ociada;
E ci g'à in corpo un’anima pietosa
L’impararà che vita disgrassiada!

---

Note

1. [p. 101]Ciapadi: guadagnati
2. [p. 101]missiadi: mischiati.