EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Il Milione
(versione veneta)
CAPITOLO LXXV
XIV secolo

 Edission original:   

Il Milione veneto : ms. CM 211 della Biblioteca civica di Padova,
Barbieri, Alvaro (a c. di), Andreose, Alvise (a c. di), Mauro, Marina (a c. di), Renzi, Lorenzo (a c. di), Marsilio, Venezia, 1999

 Fonte:

http://www.classicitaliani.it/duecento/Polo_Milione_01.htm
http://www.bibliotecaitaliana.it/testo/bibit000514

←  CAPITOLO LXXIV Edission e fonte ▼ CAPITOLO LXXVI  →
antica traduzion veneta de anonimo autore de Il Milione de Marco Polo
Delli chani et della caza del Gran Chan.

El Grande Chaan à do baroni che sono fradeli charnali: l'uno à nome Chaian e l'altro Ningri.

eno apellati Civiti, zioè a dir in nostra lingua 'queli che tien i chani mastini'.

Zaschadun de questi do fradelli à soto si diexemilia omeni, e sono tuti vestidi i diexemilia de biancho e i diexemilia de vermeglio, e quando i vano ala chaza del Gran Segnior, si portano quelle vestimente chon si.

E in questi vintimilia è ben quatromilia homeni li qual à zaschuno grandi mastini, dui al plui.

E quando el Gran Chaan va ala chaza, questi do baroni menano siego tuta quella zente chon quella gran moltitudine de chani.

Lo segnior e i suo' baroni stano in mezo ala chanpagnia grande, là o' se fa questa chaza, e dal'uno lato è uno de quelli baroni chon i suo' diexemillia e chon li suo' chani, e dal'altro lato è l'altro chon li suo' homeni e chani; e tuti se meteno in schiera l'uno un puocho lonzi dal'altro, sì che la schiera è longa vexino de una zornata.

E poi, quando aràno prexo tanto tereno chomo i par, sì se moveno alla chaza vigniando tuti versso el segnior; et truovano molte bestie salvadege, e nesuna pò schanpar che non sia prexa, e se ne schanpa sono poche.

E questa è molto bella cossa a veder.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Il_Milione/075&oldid=41921"