EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Il bouquet
1817

 Edission original:   

Collezione delle migliori opere scritte in dialetto veneziano, Volume undecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817

 Fonte:

Indice:Collezione delle migliori opere scritte in dialetto veneziano 11.djvu

Edission e fonte ▼
Altra edizion: El bouquet o sia mazzeto (1845) . Varda anca Ai Coniugi Giovio de Pietro Buratti
[p. 103 modifica]
IL BOUQUET
OSSIA
MAZZETTO
PRESENTATO AI NOBILI CONIUGI CONTI GIOVIO DI MILANO NEL GIORNO INNANZI ALLA LORO PARTENZA DA VENEZIA NEL MESE DI GIUGNO 1817.
DEL NOB. UOMO
NICCOLÒ PRIULI.
[p. 105 modifica]


     Za che avè fissà de andar,
E volè doman lassar
De Venezia le contrae
(Che pur tanto ve ze stae
5De conforto e de alegria
Ne la vostra ipocondria)1
Voi lassarve almanco un pegno,
De vu altri e de nu degno,
E per darve cosa rara
10De Venezia, tanto avara
A produr erbete e fiori,
Voi donarve pien de odori,
Perchè in mente ne gabiè,
Un simbolico Bouquet.
     15Quel Casteli che mai straco,2
Altro Pindaro, altro Flaco,
Pien de lena, senza stento,
Tanto el core in un momento

[p. 106 modifica]

Ch'el va quasi in brazzo al Sol,
20Sarà un aureo Gira-sol.
     El beligero Mengaldo3
Fato duro, fato saldo,
Ai furori de Gradivo
Ve presenta un Sempre-vivo.
     25El bel dir de l'Avocato4
Puro sempre e delicato,
In un Giglio trovarè
Messo in mezzo del Bouquet.
     Quel Ancilo farmacista5
30No sia messo tanto in vista.
Malinconico mestier
Sora ogni altro xe el Spizier;
Ma sicome co bravura
L'erbe el studia e la natura,
35Per dar farmaco a ogni mal,
El sia un Fior medicinal.
     E quel nostro Nicoleto6
Che ne dà tanto dileto
Quando el canto a l'improviso
40L'acompagna fin col viso,

[p. 107 modifica]

Pien de inzegno pien de sal,
Col palor sentimental,
Che 'l ve par apena vivo,
Lo gavè nel Sensitivo.
     45La fraganza più odorosa
Spande a l'aria bela rosa;
Abiè ochio nel tocarla,
Contenteve de vardarla.
No s'a visto mai Zardin
50A dar rosa senza spin.
Compatisci, son sincero,
Ma sta Rosa ti è ti Piero:7
     E l'amabile Dotor,8
Che del tragico dolor
Tanto aprezza el mesto canto,
55Lo gavè ne l'Amaranto.
     Un poeton de prima sfera,9
Che xe nato in altra Tera,
Che pol star ardito a fronte
Fin dei Mazza e Pindemonte,
60Sarà un fior, ma dei più rari
A le Bele tanto cari,
Se spogiarse el podarà
De la solita umiltà.

[p. 108 modifica]

Bombardini, onor del Brenta,
65Un'Ortensia ve presenta.
     Ma sti fìori adesso colti
Mal starave cussì sciolti,
Donca el mazzo ligarò,
E Cordela mi sarò.




FINE




Note
  1. Alludesi alla perdita fatta dai Conjugi Giovio di un figlio unico, motivo per cui cercarono una distrazione nel soggiorno di Venezia.
  2. Spiridione Castelli.
  3. Cav. Angiolo Mengaldo. Fu de' pochi che ritornarono dalla Campagna di Mosca.
  4. Jacopo Mantovani.
  5. Giuseppe Ancillo.
  6. Nicolò Streffi.
  7. Pietro Buratti.
  8. N. U. Vittore Benzon.
  9. Giuseppe Bombardini.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Il_bouquet&oldid=68377"