In giardin

by Giovanni Ceriotto

3 In giardin Poesie veronesi Un bocolo de rosa Note de luna Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

In giardin

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  Un bocolo de rosa

Edission e fonte ▼

Note de luna  →

In giardin

     Canta le passare
là sora i fiori,
l'aria se spàmpana
de tanti udori,
soto a quei albari
al fresco al verde,
sgola e se perde
una canson.

                    Sponta de i bocoli,
               rose co i spini,
               viole, garofoli
               e gelsomini,
               el vento el brontola
               le so pretese,
               su par le sese¹
               rusa un moscon.

     In meso a un serculo
de rosa spina
gh'è lì che ciacola²
'na fontanina;
la g'à 'na batola
parchè i la senta!
e l'è contenta
che no se sà!

                    E soto a i albari,
               vardè che caso!
               Sgola 'na passara,
               se sente un baso...
               e quela passara,
               la fa le feste,
               parchè do teste
               le s'à basà!³

---

Note

1. sese: siepi
2. ciacola: chiacchera
3. basà: baciate