EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Un bocolo de rosa
1911

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

←  Létara da studente Edission e fonte ▼ In giardin  →
[p. 44 modifica]
Un bocolo de rosa

Per la nascita di Carlotta Barbarani.


     Un gran silensio tuto indifarente,
l'avea posado le so tende in strada;
le passarine cocolade1 arente,
le avea finì de far la so cantada;

     la primavera, par cunar la gente,
la intonava 'na bela serenada
de ariete fine, de canson contente;
la sera intanto l'era za cascada.

     E dal siel, da 'na pianta ancora verde,
tra i angeli in gran bossolo serado,
co la vecia canson che no se perde,

     tra i fiori freschi e i bocoleti spanti,2
vegneva zo un fioreto inamorado,
un bòcolo de rosa in meso a i canti!



Note
  1. cocolade: accoccolate
  2. spanti: sparpagliati
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Un_bocolo_de_rosa&oldid=52798"