In morte d'un gato
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← La mia contrada | Edission e fonte ▼ | El soco moderno → |
IN MORTE D’UN GATO
El mio povero Miceto,
Se savessi.... l'è crepà!
El par proprio un anzoleto
Su la bara indormenzà.
Quando penso, benedeto,
Che ’l veniva la matina
Cufolarse a piè del leto,
A filar1 la romanzina;
Co pulito el destirava
Le zatine su la tola,
Con che grazia el me robava
El bisato o la brisiola,
Se me strazza el cuor nel peto,
No me rege più i zenoci:
Deme, deme un fazzoleto,
Go le lagrime nei oci.
Ma xe inutili sti pianti:
Dio l'à messo za fra i santi:
L’à volesto, e cussì sia...
— Scoazzer, portèlo via.
- Note
- ↑ Il ronfare del gatto.