In st'acque de purissimo crestal

by Maffio Venier

3 In st'acque de purissimo crestal (Sonetto LXVI) Canzoni e sonetti Sonetto LXV. Mi che son in amor un paladin Sonetto LXVII. Vu savé pur se xe do mesi e più Maffio Venier XVI Soneti Altra edizion: Il vino caduto nell'acqua (1817)

Maffio Venier ―  Canzoni e sonetti

In st'acque de purissimo crestal (Sonetto LXVI)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LXV. Mi che son in amor un paladin

Edission e fonte ▼

Sonetto LXVII. Vu savé pur se xe do mesi e più  →

Altra edizion: Il vino caduto nell'acqua (1817)

In st'acque de purissimo crestal
Vedo i balassi e i lucidi rubini
Fatti da ghiozzi de diversi vini,
Che par che i pianza a vederme a star mal.

In ste zoie, in ste perle oriental,
Ghe ride mile amori pizzenini,
Che con quei cari gesti da puttini
Par che i me fazza intorno un carneval.

Porta la vista sto tributo al cuor,
Che, col sente la insolita dolcezza,
El me manda ogni spirito in amor.

Quela che, san, m'usé tanta fierezza,
Porìa ben farme a torno ogni saor
Che me curasse de la so belezza.