L'Ape

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Anton Maria Lamberti

L'Ape

traduzion de Dimmi dimmi, apuzza nica, poesia de Giovanni Meli in lengua siciliana

XVIII secolo

Edission original:	Collezione delle migliori opere scritte in dialetto veneziano, Volume primo: Poesie di Anton Maria Lamberti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 1.djvu

Edission e fonte ▼

Altra edizion: L'ava (1845)

[p. 40 modifica]

L'APE

TRADUZIONE DAL SICILIANO

Dime, Avéta bonoriva,
     Perchè avanzistu l'Aurora?
     No gh'è ancora anema viva,
     4No rossiza i monti ancora;
Trema e luse in ogni parte
     Su l'erbete ancora intate
     La rosada: ah! no bagnarte
     8L'ale d'oro delicate.
Nei so' verdi bocoleti,
     Streti suso e fati in massa,
     Sonachiosi xe i fioreti
     12Co la testa ancora bassa.
Mo via fermite cativa,
     No stracar le alete ancora;
     Dime, Avéta bonoriva,
     16Perchè avanzistu l'Aurora?
Vustu miel? cerchistu questo?
     Sera l'ale e no stracarte,

[p. 41 modifica]

     Mi te insegno un logo presto
     20Da suzzarlo e sbabazzarte.
La mia Nina a l'ochio belo
     Ti conossi, e a le fatezze;
     Svola al lavro; apunto in quelo
     24No ga fin gusti e dolcezze.
Sì, in quel lavro che un soriso,
     Un soriso adesso infiora,
     Ghe xe un miel de paradiso...
     28No ti suzzi, Avéta, ancora?