L'Autuno al me paese

by Berto Barbarani

4 L'Autuno al me paese I sogni Libro III.° — IN CITÀ E IN CAMPAGNA San Nicolò La vendemia dopo el Rosario Berto Barbarani 1914 XX Poesie veronese

Indice:I sogni.djvu

Berto Barbarani ―  I sogni  ―  Libro III.° — IN CITÀ E IN CAMPAGNA

L'Autuno al me paese

1914

Edission original:	Berto Barbarani, I sogni, 3° Canzoniere, Verona, Mondadori, 1922
Fonte:	Indice:I sogni.djvu

←  San Nicolò

Edission e fonte ▼

La vendemia dopo el Rosario  →

L'AUTUNO AL ME PAESE

NOTA

L'«Autuno al me paese» e la susseguente poesia: «La vendemia dopo el Rosario» hanno per modesto ispirato teatro campagnolo i paesi ed i poggi che rallegrano con le loro armonie, l'ingresso autunnale nella Val Pantena (valle di tutti gli dei) e specialmente nel territorio di Poiano, Quinto e Santa Maria delle Stelle — alle porte di Verona. — L'A. nella sua giovinezza vi passò qualche periodo di villeggiatura.

⁂

La Madonna del Rosario, che ricorda la vittoriosa battaglia di Lepanto, scade la prima domenica di Ottobre ed è molto onorata di processioni e di feste nell'alto Veronese ed in città nella magnifica chiesa di Sant'Anastasia.

L'AUTUNO AL ME PAESE!¹

I.

Eco Autuno! — Zò el sipario,
che i paroni i séra i conti —
Le servete da salario,

(dure e stagne
5come un saco de castagne)

le sfagota via da i monti...

Do campane: Mina e Mena,
le parecia la novena
del Rosario.

10Otobre, Otobre te sì un gran bel mese,
ma bisogna passarlo al me paese.

II.

Sì — de giorno el sol ne ciama,
ma, la sera, a tempo e logo
co le man contro la fiama

(rosse, ardente
5che le par fin trasparente)

se sta alegri, incosto² al fogo...

— Ohe, castalda, Mina, mena
la polenta par la çena
de la gente...³

10«Quatro mortadelete ben destese,⁴
ma ghe vol i porçei⁵ del me paese!»

III.

Quante lodole sul passo,
tra el bagnado de la frasa!⁶
Quanti pìtari⁷ in t'el lasso!

(Cori, cori,
5tuti quanti cassadori,
con le vis-cie e co la stasa)⁸

Do çivete: Mina e Mena,
le tradisse a pansa piena
de pantasso.⁹

10«Un bel rosto de osei tiradi a spedo,
polentina te vedo e no te vedo!»

IV.

La vendemia bianca e rossa
ciama fórbese e cantári
co i boari e la tinossa.¹⁰

(Le vilote,
5che fa el giro de la note,
le tien caldi i fogolari).

Do paesane: Mina e Mena,
col so moro¹¹ a la cadena
le scartossa...

10«Otobre, Otobre te sì un gran bel mese,
ma bisogna passarlo al me paese!»

---

Note a cura de l'autor

1. Per nozze Natale Gramola — Olga Fontana — Schio (23 Aprile 1914).
2. incosto: di faccia
3. gente: la gente della fattoria
4. destese: aperte
5. porçei: maiali
6. frasa: rugiada brinosa
7. pìtari: pettirossi
8. Nel senso ironico.
9. pantasso: frattaglia per le civette
10. tinossa: tino
11. Nel senso di innamorato, schiavo dell'amore.