L'Ave Maria

by Berto Barbarani

3 L'Ave Maria I due canzonieri I due canzonieri/Libro III - Le montebaldine Ancò nevega El comarègo de i molini Berto Barbarani 1900 XIX Poesie veronese Indice:Berto Barbarani, I due canzonieri, 1917.pdf Altra edizion: L'Ave Maria (1924)

Berto Barbarani ―  I due canzonieri  ― Libro III - Le montebaldine

L'Ave Maria

1900

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  Ancò nevega

Edission e fonte ▼

El comarègo de i molini  →

Altra edizion: L'Ave Maria (1924)

L'AVE MARIA.

     Le lusertole verde
le scapa par le sese
in fin che le se perde;

     le done del paese
le cata su i radeci¹
in meso a le vanese.²

     Su un mureto, gh'è i veci
che se la conta; al posso
vien le spose co i seci.

     Co le gambe in te 'l fosso
gh'è dei putei che pocia
e i se trà l'acqua a dosso...

     La campana batocia,³
pianse l'Ave Maria
e tuti i se insenocia...

     – Oh, che malinconia!

---

Note

1. radeci: radicchi
2. vanese: tratti d'ortaglia coltivata
3. batocia: squilla.