EPUB   MOBI   PDF   RTF   TXT
Qualità del testo: sto testo el xe stà trascrito e rileto.
L'apatico
XX secolo

 Edission original:   

Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920

 Fonte:

Indice:Trieste vernacola.djvu

Edission e fonte ▼
[p. 145 modifica]
L'APATICO.


El falimento del banchier Patachi
Lo manda a pico? E lui el disi: Schiavo!
El suo novo cassier ga alzado i tachi
Con tuti i bori?1 E lui: El xe sta bravo!

Va la molie con un pèr2 de macachi
A far la mata? E lu ghe mola 'l cavo.3
Insoma, tute le disgrazie e i smachi4
Lo lassa indiferente come un travo.

I xe vegnudi a dirghe che in sufita
Ga ciapà fogo, e, perchè 'l lassi el leto:
— Alzite, — i fa — se no ti vol brusarte!

Lui, mezo indormenzà, disi: «Che vita!»
E, dopo averghe pensà sù un pocheto,
El se rivolta de quel'altra parte.



Note
  1. bori, denari
  2. un pèr, un paio
  3. ghe mola el cavo, lascia correre, concede libertà
  4. smachi, affronti.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27apatico&oldid=66522"