L'ignorante (Valerio Pelacani)

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
L'ignorante
1857-58

 Edission original:   

Camillo NalinPronostici e versi di Camillo Nalin, Volume III, Venezia, Giambattista Andreola, 1858

 Fonte:

Indice:Pronostici e versi di Camillo Nalin 3.djvu

←  L'astronomo Edission e fonte ▼ El cativo pitor  →


[p. 31 modifica]
L'IGNORANTE.


Valerio Pelacani,
     Marangon,
     Ga in botega un garzon
     De quindes'ani,
     5Un bonissimo fiol, ma cussì tondo
     Da no saver d'esister a sto mondo.
Domenega passada
     El lo incontra per strada,
     E vedendolo a ciera
     10Che del so umor nol gera,
     De rilevar curioso
     Cossa gaveva el toso,
     Lo tira da una banda
     Espressamente
     15Per farghe la domanda,
     E nasce alora el dialogo seguente:

[p. 32 modifica]

— Me par Bernardo a muso
     De vederte confuso,
     Inquieto, disgustà,
     20Qualcossa per la testa
     Scometaria ti ga,
     Che te molesta. —
     De andar al catechismo poco fa
     M'à, diria squasi, el diavolo tentà;
     25Dopo una mezz'oreta
     Don Francesco Bignè,
     Senza lassarme tempo che rifleta,
     El me domanda quanti Dii ghe ze,
     E no essendo stà bon
     30De saverghelo dir co precision,
     El ze anda zoso come chiara mata,
     El m'à dà una salata
     Che lo zuro,
     Sina che 'l sarà lu quel che lo spiega,
     35In Chiesa al catechismo de sicuro
     Mi no ghe vago gnanca se i me prega,
     Per farme da quei tosi minchionar,
     E sentirme da elo a strapazzar
     In maniera, che 'l Ciel ghe lo perdona,
     40Come se fusse un aseno in persona.—
     El ga avudo rason,
     Ti ze proprio un zucon,
     Ti ze un aloco,
     Ghe voleva assae poco

[p. 33 modifica]

     45El mio pandolo
     A risponderghe subito uno solo. —
     Bravo dasseno! alora stava fresco,
     Deventava una furia don Francesco,
     Perchè go scomenzà
     50A dirghe do, tre, quatro e so ariva
     Senza falar al numero de cento,
     Epur gnancora no l'è stà contento.-


Scimuniti de sta sfera,
     De sta sorte de zuconi,
     55Ghe n'è ancora su la tera
     Senza gnanca esser garzoni.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27ignorante_(Valerio_Pelacani)&oldid=39302"