L'omo de mistier

by Giglio Padovan

3 L'omo de mistier Rime in dialetto veneto di Polifemo Acca El materialon L'ipocondriaco Giglio Padovan 1875 XIX Soneti triestin

Indice:Rime in dialetto veneto di Polifemo Acca.djvu

Giglio Padovan ―  Rime in dialetto veneto di Polifemo Acca

L'omo de mistier

1875

Edission original:	Giglio Padovan, Rime in dialetto veneto di Polifemo Acca, Trieste, Appolonio & Caprin, 1875
Fonte:	Indice:Rime in dialetto veneto di Polifemo Acca.djvu

←  El materialon

Edission e fonte ▼

L'ipocondriaco  →

L'OMO DE MISTIER

     Quatro versi butai come vien vien,
Senza imbrogi de note e de commenti:
Eco el reciamo, la m’intenda ben,
Per trar a mea un mondo de clienti.
     Chi leze un libro come se convien,
Vol mastegar la papa co i so denti;
No vol perder un’onza de teren,
No vol trovar intopi nè acidenti.
     A quei poeti se ghe dà l'aloro
Che sa mostrarghe al popolo zucon
Traverso a un mar de sienza el fondo d’oro.
     I più svelti, i più pratici, i più astuti
Schicara¹ in sta maniera, e i ga rason:
Xe i aseni che compra più de tuti.

---

Note

1. Imbrattano fogli.