La Fiorina/Atto terzo

by Ruzante

ATTO TERZO ../Atto secondo

../Atto quarto

Ruzante

La Fiorina

ATTO TERZO

1531-32

Edission original:	nissuna edission indicà
Fonte:	http://www.intratext.com/IXT/ITA1842

← Atto secondo

Edission e fonte ▼

Atto quarto  →

ATTO TERZO

Scena prima

Marchioro solo

MARCHIORO Al sangue de la Santa! che a' no la vuò cavar fuora; che se 'l ghe torna, a' 'l vuò mazare de fato. A' vuò pur anare a veere de la Fiore, e che la me dighe zò che gh'ha paresto de sta balata. Criu mo che la me vorà del ben? No faelè; perché la dirà che son valent'uomo, a poer portare tante bastone. (Fiore esce di casa con due secchie vuote) . Oh, vèla a ponto che la vuole anar per aqua. Morbo, mo arè la bela comilitè de faelar co' ela. Làgame anare.

Scena seconda

Marchioro e Fiore

MARCHIORO (a Fiore) Dio v'ai', castelo!

FIORE Ben vegnè, ogio me belo.

MARCHIORO (chino su di lei, canterellando)

«Ogio belo fa bel guardare,

caro amore, laghève basare».

(Fa l'atto di baciarla).

FIORE (ritraendosi, con sdegno caricato) Oh, ve vegne el morbo, s'a' vuogio! Mo che parole dîu?

MARCHIORO No, a' no dighe per mal negun. A' gh'ho slainò co' dise la canzon.

FIORE A' cherzo che l'aessè an fato, mi.

MARCHIORO Cancaro a chi no 'l faesse!

FIORE Mo el pesse muzerae.

MARCHIORO Chi no 'l saesse pigiare, so dano.

FIORE Mal drean! A' si' pur cativo.

MARCHIORO A' si' ben pí cativa vu.

FIORE Mo mi a' no faghe despiasere a regun, con fè vu.

MARCHIORO M'aíu vezú, cara Fiore?

FIORE S'a' v'he vezú, an? Pota a' sè che 'l criava, mi, che 'l s'arae aldío d'inchina in Polverara.

MARCHIORO Me hoge portò da valente?

FIORE Da Rolando! A' parivi un toro abavò. Mo si el no vegniva me pare, a' 'l conzavi de belo, a' te sè dire.

MARCHIORO Poh, a' l'arae mazò de fato, che 'l n'arae magnò pí pan, ve sè dire.

FIORE (facendo l'atto di lasciarlo) Orsú, a' vuò anare per aqua, per poer fare da çena.

MARCHIORO (trattenendola) Ah, Fiore, mo no me volívu gnente de ben?

FIORE No saíu s'a' v'in vuogio? M'in vossèu tanto a mi!

MARCHIORO Mi a' n'he mé ben, se lomé co' a' ve vego.

FIORE E mi a' no son mé de buona vuogia, se lomé con a' ve posso veere.

MARCHIORO Mo a' me lago pur veere.

FIORE Sí, quando v'in vien vuogia. Mi a' son sempre de vuogia de veerve, perché a' ve vuò ben.

MARCHIORO A la fe', el me tira pí la vuogia a mi, a' digo, de vegnirve a veere, che la no ve fa a vu; mo el besogna tendere a laorare. Guardè mo la festa, che no se laora, se me lago veere quanto a' volí.

FIORE (ammiccando) An, Marchioro, aíu ancora sapò el vostro sorgo?

MARCHIORO (pronto) Perché Me volíu vegnire aiare?

FIORE A' ghe vegnerae ben, mo el me sè stò dito che 'l sè tropo ciaro.

MARCHIORO Mo el besognerave per ogni do gambe piantàrghene una in mezo, chi 'l volesse inspessire.

FIORE Mo ché no ghe la piantèvu?

MARCHIORO Vegníme agiare, che la piantaròn vu e mi de brigà. Cancaro, el me farae po le bele panogie.

FIORE Se a' vorí, a' ghe vegnirè mi. M'aíu intendú con a' vuò dire?

MARCHIORO Poh, se he intendú? A' crezo ben sianto cossí scaltrío con son. A' volí, me fe', ch'a' ve faghe domandare.

FIORE Mo vogiàntome tanto ben co' a' di', e mi vogiàntovene a vu, che volívu star aspitare?

MARCHIORO (raggiante, rivolto al pubblico) Te par che la intendeva mi, an? Al sangue, che a' no vuò dire, de San Crissinman! che n'aíssi per me' slainò la parola, che a' la bechiè su de fato. Mo aldí: promentónse de brigà, e chialò, in sti fuossi e fuogie, fagón el matremuonio.

FIORE No, fème pur domandare a me pare, che 'l me ve darà ben, elo.

MARCHIORO Mo se 'l diesse de no, che fassànte può?

FIORE A' fassàm con se fa, ch'a' muzerae po via cun vu una note... (Interrompendosi, agitata) Marchioro, muzè via presto, ché 'l ven Ruzante armò, che 'l no ve faghe despiasere.

MARCHIORO (si volta a guardare verso il punto indicato da Fiore) On'èlo?

FIORE Muzè, pota de la giandussa! ché gi è purassé, ch'i ve amazerave.

MARCHIORO (spavaldo) S'i foesse artanti, a' no ghe arae paura. Guardè mo se a' vuò muzare. No, mai no muzarò!

FIORE A' ve dighe che Rolando no gh'in vosse pí de uno. M'intendíu? Fé un puocoa me muò, anè via.

MARCHIORO A' vorae an far altro pre vostro amore mo, cristiana, s'i foesse ben çento. (Piano) Pur che i no vegne... N'ègi manco de diese che vegna? A' vago dunca, stè in bonora.

FIORE Lagherève po veere, saíu?

MARCHIORO Vontiera, Fiore. (Parte, mentre Fiore, riprese le secchie, si avvia alla fontana).