La Tombola in famegia
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← La Pruçission del Cristo (a Cannaregio) | Edission e fonte ▼ | O povari i mii versi → |
A la Signorina Rosina G.
― «Daghe 'na sgorladina a quel sacheto
Che le bale le xe tute tacae...»
― «Ciapa... (s'cich s'ciach), le gavarò missiae.»
― «Zo, cava.» ― «Vinti!» ― «Sègnilo, Marcheto.»
― «Cava, Marieta.» ― «Trentatrè!» ― «(Sta quieto'
Che la mama ne vede)...» ― «Feu monae?
Vardè che ciapo un...» ― «Sete!» ― «Ecolo quà, e!»
― «Gali fato çinquina?» ―་ «E, xe un tocheto!»
― «Avanti, alora.» ― «Nove... no, no, el sie!»
― «(Co ben sa, che te vogio)!» ― «(Ma sta bon)!
Oi!» ― «'Cossa xe? ― «Toni me pesta un pie!...»
― «Sta fermo, sa? se no, ciapo el baston...»
― «Alora si, povare spale mie!»
― «Sèdese!...» ― «Tombola!» ― «Chi?» ― «Al cartelon?»