La Venere de stuco
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← La moretina | Edission e fonte ▼ | La striga galante → |
LA VENERE DE STUCO
Ghe xe una tosa bionda e profilada
Che da i caveli in zo fina ’l pein
La ve par da le nuvole cascada:
Una madona del pitor d’Urbin.
Languidamente la ve dà un’ociada
Che fa scombussolar el coresin:
Se ghe va drio senza vedèr la strada
Nè sentir le schiocae del veturin.
Co la verze ’l bochin la xe un portento,
Anzi una maravegia de natura;
Ma co la tase, oh Dio, son più contento,
Gesù mio benedeto, un’altra volta
Famela senza lengua a diritura,
O stropeghe le recie a chi l’ascolta!