La do e tre volte bona antighità

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 101 modifica]
LXXXVII


La do e tre volte bona antighità,
     Priva dei lumi che gavemo nu,
     Orba e superstiziosa che mai più,
     4Che diavolezzi no àla mai adorà?

A sassi e piante altari la ga alzà,
     Pianeti e bestie infin incensi à bu,
     Cussì che po pensandoghe ben su
     8Anca Tulio s'avea descordonà.

Se in quei tempi la Nina comparìa,
     I ghe adorava certo la so Chioma,
     11E 'l gera quasi manco mal, per dia.

E fursi a gloria dei so bei Cavei
     Se vedarave ancora in Grecia o in Roma,
     14Circhi, guglie, obelischi, archi e trofei.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_do_e_tre_volte_bona_antighità&oldid=42184"