Proprio su l'Azio mar 'na certa croda

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 102 modifica]
LXXXVIII


Proprio su l'Azio mar 'na certa croda
     Da un monte de Leucadia sporze in fuora,
     Che chi se ghe tra zoso, in pe che 'l muora,
     4D'ogni amor se desmentega e se svoda.

E lontan gnanca el viazo de mez'ora
     Gh'è un fiumeselo, che chi al Sol se invoda,
     E in quel'acqua tre volte a Luna voda
     8Soto e sora va e vien, se desnamora.

Ga provà el fiumeselo Deucalion,
     Safo la croda, e gh'è passà ogni ardor,
     11Quel Pira s'à scordà, questa Faon.

Se credesse anca mi poder rivar
     Sta Coa a scordarme, e cazzar via sto amor
     14Mi sto viazeto lo voràve far.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Proprio_su_l%27Azio_mar_%27na_certa_croda&oldid=42693"