Per guarir dal più fisso e saldo afeto

by Gian Giacomo Mazzolà

3 LXXXIX I cavei de Nina LXXXVIII XC Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXXIX

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXXVIII

Edission e fonte ▼

XC  →

LXXXIX

Per guarir dal più fisso e saldo afeto
     Sugerisse Nason, mistro d'Amor,
     De studiar se gh'è gnente de imperfeto
     4In quela parte che ne trà più el cuor.

Sarà un ano, per dia, che mi a sto ogeto
     Studio e contemplo col più gran rigor
     De calar fora pur qualche difeto
     8In sta Coa che me tien schiavo d'Amor.

Cossa oi vanzà? Che a forza de studiar
     Go scaturìo de l'altre qualità,
     11Che sempre più m'à fato inamorar.

De megio da insegnar co' no ti ga,
     Caro Nason, ti te pol giusto andar
     14A farte ben... Ti ti me intendi za.