La moda (Attilio Turco)

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  La bicicleta Edission e fonte ▼ Sabalota  →
[p. 33 modifica]
LA MODA


La me morosa, quando che la sente
     I primi fredi capitarghe adosso,
     Mi no so cosa che ghe salta in mente;
     La deventa cativa a più non posso!

E si che in casa no ghe manca gnente:
     Carbon e legna la ghe n'à a l'ingrosso:
     La g’à un camin che, basta starghe a rente
     Un batar d’ocio, te deventi rosso!

Ma 'l dispiasser che g’à la me morosa
     L'è, parchè, co sti fredi no la pol
     Mostrar i brassi e sbaratarse1 el col...

E vedendo così, penso a ’na cosa:
     Sta bela moda, l'andarà fenida,
     Co la dona più nuda che vestida!



Note
  1. sbaratarse - metter a nudo.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_moda_(Attilio_Turco)&oldid=71409"