Sabalota
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← La moda | Edission e fonte ▼ | La man de bianco → |
SABALOTA!
La me morosa, quando la camina,
No la vorea mostrar le gambe storte;
L’è 'na passion che la ghe bate forte,
Fin da quando che l'era picenina!..
De casa alora ghe l’avea vissina
E se zugava insieme in te la corte:
A tri pessini, a coto, a far le torte,
’Doparando la tera par farina.
E se l’è deventada me morosa
El merito l’è sta de le so gambe,
Se no la sarea stada ’n’antra cosa!
La gavarea de le partese strambe...
Ve ’l digo mi, la se darea 'na bola,
Se no la fusse gnanca sabalota!1.
- Note
- ↑ sabalota - con le gambe storte.