EPUB   MOBI   PDF   RTF   TXT
Qualità del testo: sto testo el xe stà trascrito e rileto.
La moglie perfeta
XX secolo

 Edission original:   

Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920

 Fonte:

Indice:Trieste vernacola.djvu

Edission e fonte ▼
[p. 119 modifica]
LA MOGLIE PERFETA.


Quei maridi xe proprio fortunadi
Che ga intivà1 una moglie seria e onesta,
Senza lussi nè grili per la testa,
De quele done dei bei tempi andadi.

Sempre serada a casa sua la resta
Cussì i pranzi xe in punto cusinadi,
E i palcheti xe sempre ben lustradi.
La xe tranquila, economa, modesta.

Ma per lo più el marì de sta fenice
Xe tanto inamorà, tanto felice
E cussì sodisfado dela sorte.

Che apena che 'l incontra una doneta
Vestida un poco in gringola2 e ziveta,
Eco che 'l ghe fa subito la corte!



Note
  1. che ga intivà, che hanno avuto in sorte. No ghe ne intivo una, non ne azzecco, non ne imbrocco mai una
  2. in gringola, in lusso, azzimata.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_moglie_perfeta&oldid=66508"