La pace del Papa

by Attilio Turco

3 La pace del Papa Sonetti Veronesi Sonetti Veronesi/Parte V - Trento e Trieste El prestito de guera Monte Santo Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

La pace del Papa

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  El prestito de guera

Edission e fonte ▼

Monte Santo  →

LA PACE DEL PAPA

(Estate 1917)

— E’-to sentì? La pace l’è vissina;
     'Sta volta el Papa el g’à pensado su:
     L’à scrito zò ’na bela letarina
     E ’l l’à mandada a ci ’l s’à inteso lu.

— Fate coraio, cara Taresina!
     Fra pochi giorni no’ trememo più;
     I tornarà a sbiancarne la farina
     E, par le cinque Piaghe de Gesù,

Tornarà a casa quei che gh’è in trincea,
     E i presoneri che i sospira el pan...
     Benedeto¹ el g’à-vu’ na bona idea,

Par mostrarse catolico e talian...
     Speremo che ’sta lètara famosa,
     La lassa sbrocar fora² qualche cosa!...

---

Note

1. Benedeto ― S. S. Benedetto XV;
2. Sbrocar fora ― riuscire concludere.