EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 140 modifica]
MONTE SANTO


Monte talian,1 de nome e anca de fati,
     Adesso si che te si proprio Santo!...
     No te gh’è più la pesta2 dei croati,
     Che la t’à tegnù soto così tanto!...

A ciaparte ’l parea roba da mati!...
     T’eri pien de canoni e tuto quanto
     Buse e caverne coi reticolati...
     Ma i nostri si, che i ghe l’à-vù, sto vanto!...

Monte Santo, te piase la bandiera
     Che presto i piantarà sora Trieste?...
     E’-la meio de quela giala e nera?

Ti de disi de si. — Par che le rida
     Col tricolor in sima le to’ greste
     E che le diga: «presto l'è finida!».



Note
  1. talian ― italiano;
  2. pesta ― orma.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Monte_Santo&oldid=71794"