Passa i Francesi

by Attilio Turco

3 Passa i Francesi Sonetti Veronesi Sonetti Veronesi/Parte V - Trento e Trieste Monte Santo El fi-fio dei Veronesi Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

Passa i Francesi

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Monte Santo

Edission e fonte ▼

El fi-fio dei Veronesi  →

PASSA I FRANCESI

I soldadi francesi, col so’ brio,
     I passa par le strade de Verona;
     Davanti i g’à la musica che sona
     E marmite che fuma par de drio!

Le ortolane de piassa le ghe dona
     Pomi e castagne e le ghe siga — adio!
     Andè coi nostri e fè che i paga el fio
     Quei remenghi de Casa-patatona! —

Le signorine le ghe buta¹ i fiori,
     Missiadi su coi basi e coi nastrini;
     E i mostri² i salta e i fa alegria ’nca lori!

Tuti i bate le mane volentiera,
     Parchè, i lo sà, che ’sti fradei latini,
     I vien par far che termina la guera!

---

Note

1. Buta ― gettano;
2. mostri ― ragazzetti.