Le malissie de le done

by Attilio Turco

3 Le malissie de le done Sonetti Veronesi Sonetti Veronesi/Parte II - Me morosa Tentassione In cesa Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

Le malissie de le done

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Tentassione

Edission e fonte ▼

In cesa  →

LE MALISSIE DE LE DONE

Le savìo le malissie de le done?
     El diàolo el ghe le 'nsegna de securo:
     Tachi de goma, par no far sussuro,
     Cipria e sbeleto par parer più bone.

Serte, par 'verghe 'l sen più sgonfo e duro,
     Che le sia serve o che le sia parone,
     Le strussia¹ tante bele palancone,
     Da schissarghe la testa contro 'l muro!

E serte invesse, par no’ spèndar bessi,
     E par no’ far savèr i so ’ntaressi,
     Le se infranfugna² rento ’n te ’l corpeto

Strasse e bombaso come un cussineto!
     Ma me morosa, invesso, sta mostricia,
     Ve ’l digo mi, l’è tuta quanta cicia!

---

Note

1. le strussia ― sprecano;
2. infranfugna ― infagotta.