Le parolete

by Vittorio Vitturi

3 Le parolete Strade e vicoli No l'è più quela! Vènardi gnocolar Vittorio Vitturi 1907 XX Poesie veronese

Indice:Strade e vicoli.djvu

Vittorio Vitturi ―  Strade e vicoli

Le parolete

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  No l'è più quela!

Edission e fonte ▼

Vènardi gnocolar  →

LE PAROLETE

     Su la porta, con l’aria da burlon,
E le mane cassade zo in scarsela,
Tra do pile de stofa e do de tela
Gh'è un marcante che siola¹ ’na cansòn.

     Fra la gente che va de girondon²
Passa in furia de lì ’na sartorela,
Snela, pulita, e sora tuto bela
Con du ocioni più neri del carbon.

     Lu el desmete de colpo de siolar;
E slongàndose fora un pochetin,
Qualche cosa se el sente a brontolar.

     Ma la putèla che la g'à el nervoso
Parchè no i gà pagado un contesin³
La màstega fra i denti: “Va, schifoso!„

---

Note

1. [p. 102]Siola: zuffola
2. [p. 102]girondòn: in giro
3. [p. 102]contesin: conticino.