Le scuse del mondo

by Vittorio Vitturi

3 Le scuse del mondo Strade e vicoli Luna inlunada 'Orchi de schei! Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

Le scuse del mondo

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  Luna inlunada

Edission e fonte ▼

'Orchi de schei!  →

LE SCUSE DEL MONDO

     L’è giovine, l’è un sior, l'è un bel moreto,
L’è sul caval del mato,¹ se lo sa;
Qualche capela² tuti se la fa,
Se pol passarghe sora, malingreto!

     Con l’espariensa po’ de qualche aneto
El sarà serio el se maridarà:
Adesso ghe vol altro, lassè là...
Così sto mondo el scusa un smoroseto.
. . . . . . . . . . . . . . . . . . . . . . .

     Eco un’altra strossada³ de pitoca,
Che deventa de tuti par campar,
Che more a l’Ospedal, marsa patòca;⁴

     E so fiol, destinado a la preson,
El guadagna la vita col robar...
Ma el bel moreto el sposarà un 'milion!

---

Note

1. [p. 100]L’è sul caval del mato: l'età dei capricci
2. [p. 100]capèla: errore
3. [p. 100]strossada: miserabile
4. [p. 100]marsa-patòca: consunta dal male.