Le serve

by Ferruccio Piazza

4 Le serve Ferruccio Piazza XX Soneti triestin

Indice:Trieste vernacola.djvu

Ferruccio Piazza

Le serve

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

LE SERVE.

— Co le serve? Madona benedeta,
Bisogna star atente, bazilar.¹
— Ogi, una bona, chi la pol trovar?
— La me lo dighi a mi, siora Marieta!

— Zinque in t'un mese go dovù cambiar.
— Una ghe roba; st'altra, 'na muleta,²
La ga sempre un moroso che la speta;
― La terza no ghe comoda 'l magnar!

— Ghe ne go vù mi una che, ogni mese,
Per andar a dormir col suo soldà,
La se fazea mandar sto telegrama:

«Parti stasera, che xe morta mama!»
Noi gavemo una mania: quela là
Ghe ne devi aver 'vude almeno diese!³

---

Note

1. bazilar, ammattire
2. 'na muleta, una ragazzina
3. diese, dieci.