Le vosse de la corte
|
Edission original: |
Berto Barbarani, I sogni, 3° Canzoniere, Verona, Mondadori, 1922 |
|
Fonte: |
| ← La golosa | Edission e fonte ▼ | Aqua in gelo, aqua → |
— Da un par de loghi, che dà sora in corte
sensa vasi, nè gabie, nè putini,
3che no g'ò done che li tegna su...
Godo la chiete de ste case morte,
filo un silensio fato de... puntini,
6ma me sento paura anca de lu...
* *
— De campane no ariva che le prime;
çerte «Ave Marie» sconte, paesane,
9che te porta el «bon dì» de la passion...
E me le sogno a spasso par le çime
de i campanili, come tante mane,
12che se incontra per far la divossion...!
— Dén... Dén... Dén... — L'Ave Maria — Dén... Dén!
Come pronto e che lucido me bate
15tra vivi e morti tuto el me passà...
La me anima, o Dio, no g'à più ben,
fin che una vosse sbrega1 fora: Late...!
18L'è el latar de la corte e tiro el fià!
— Me volto e dormo - M'è 'ndà via l'angossa,
çerco el fresco del leto ne i cantoni,
21torno ai me sogni pieni de color...
Ma da lì a un poco gh'è 'na vosse grossa
zò ne la corte che la ciama: Toni!
24L'è la solita sveia del pistor...2
— Siora Ninì da un poco la s'à sconto,
par la rason del sogno che ve conto:
Ninì, una note, sora i copi bassi
de le casete in fondo al vicoleto,
5l'à sentido dei passi...
J'era omeni strassi,3
co la lanterna e un fondo de sacheto;
j'era diavoli neri,
che butava de i sassi,
10drento dal finestrin de i so pensieri...!
La s'à messo el corpeto,
l'à verto la finestra e con dispeto:
«Dove andeo bruti omassi?»
G'à risposto un gobeto:
15— Siora curiosa n'à mandà qua uno
a supiar foie morte,
contro a quele finestre e quele porte
che sera fora el vento de l'autuno.
Alora, ela la s'à visto persa,
20e un maledeto colpo de tosseta,
g'à fato tombolar mesa scufieta
quasi roversa;
e alora ela l'à pensado: in fondo,
mi che mora così, che so sta onesta
25e tante amighe che j-è sempre in gresta,4
le resta al mondo?
Così quando la sente sonar vinti
ani, che el sangue boie ne la testa,
Ninì se stufa de far fiori finti.
30Ninì se insogna un capelin de piume,
Ninì sospira un vestitin da festa,
e sospirando se ghe smorsa el lume...!
- Note a cura de l'autor