Matina de bosco

by Berto Barbarani

3 Matina de bosco I due canzonieri I due canzonieri/Libro III - Le montebaldine Soto l'ombrèla Scandali Berto Barbarani 1900 XIX Soneti veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro III - Le montebaldine

Matina de bosco

1900

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  Soto l'ombrèla

Edission e fonte ▼

Scandali  →

MATINA DE BOSCO.

     Gh'era fresco nel bosco, e in meso a i ciari
fati dal sol traverso via le foie,
le pignete cuci๠su l'erbe moie,
le ghe dava el bon giorno ai castagnari.

     Quà se stà chieti, fora da i afari,
no gh'è passione drento che ne boie,
no gh'è teatri che ne fa le voie
e se sta ben sentà su sti sentari.

     Gh'era un campo lì a rente; da distante
l'arietina zugava sul sarfoio,²
e i bâi³ se destacava da le piante...

     L'ho ciapada a la vita e quante e quante
cose g'ò dite col çervel de boio...
La m'à risposto: te lo fe' con tante!?

---

Note

1. cucià: accoccolate
2. sarfoio: trifoglio
3. bâi: insetti.