Me digo de no
|
Edission original: |
Olindo Guerrini, Le Ciàcole de Bepi, Roma, 1908 |
|
Fonte: |
| ← Seminarium | Edission e fonte ▼ | Trenodia → |
Iterum ergo negavit Petrus.
Ioh. XVIII, 27.
COME? Travasa? Ma, ostregheta, adeso,
Vegnimo a dir el merito, sti mati
Per zontàr altre colpe ai so misfati
I vol pretendar che se cambia el seso?
Mi Pontefica? Andemo no i gà inteso
Quel che sucederia de sti barati
Quando le suore deventasse frati
E che la Chiesa deventasse un Chieso?
Dunque, la vede, el Cardinal Baronio
El me deventa el Cardinal Barona...
Che Babilonia!... ossia che Babilonio!
Ma ghe par che se vien qualche persona
Che gàbia gnente un muso de demonio,
Che mi ghe vaga a dir: muso demona?
Nota. ― Ste màcie del mio giornal i gavèva fato tuto un numero feminil, ma mi gò piopà drìo sta protesta. Gavèvio rason?