Meteme in acqua, in boschi, in monti, in fuogo
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Al mar da Lio a premando alla riva | Edission e fonte ▼ | Chi non sa, che mi vivo per manzar? → |
Meteme in acqua, in boschi, in monti, in fuogo,
E dove el Sol si desgiazza la neve,
Meteme ancha dove i dragoni beve,
4O dove, che i danai no trova luogo.
Meteme in fra le simie a far un zuogo
A l'agiere seren, al fosco grieve.
Meteme in fra caverne per un sieve,
8O in te l'abisso famegio del cuogo.
Meteme in tun paltan, o adosso un lovo,
In valle, in grotte, o in qualche palui,
11In batagia crudel, o in gran fortuna.
Meteme a dar delle ferie alla Luna,
Sarò sempre costante, come fui,
14Ni mai d'amarve un passo no me muovo.