Mi no sò chi sia stà mai quel bravazzo
Mi no sò chi sia stà mai quel bravazzo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Mondo, da ti me parto, e me la batto | Edission e fonte ▼ | Da 'na Madre Badessa al so Convento → |
CONTRO CHI HÀ FATTO LA COA ALL'ANTESCRITTO.
SONETTO
Mi no sò chi sia stà mai quel bravazzo,
Che gà messo la coa a un mio soneto,
Se l'avesse trovà bel pensiereto
4Vorrave compatir quel visdecazzo;
Ma l'hà fatto do versi da Pagiazzo,
Ch'a ben pensarghe sù no i val un peto,
Boni solo da far un fazzoleto,
8Quando avesse cagà un bel Culazzo.
Mi no sò dove mai l'abbia imparà
Ai versi d'altri far sto brutto scorno,
11E metter man dove no l'è chiamà!
Spero veder le mie vendette un zorno;
Se lù hà messo la coa, dove no và,
14A lù in tel Cul ghe vegna messo un corno.