Wikisource

Mondo, da ti me parto, e me la batto

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 222 modifica]
UNA, CHE VÀ MUNEGA.


SONETTO


Mondo, da ti me parto, e me la batto,
    E me vago a serrar in t'un Convento,
    Che mi no voggio metterme a cimento
    4Ogni dì de combatter con un matto.

Co ti no se puol far alcun contratto,
    Ti manchi de parola ogni momento,
    No ti osservi gnessun proponimento,
    8Diman ti desfi quel, ch'ancuò ti hà fatto;

Ti metti in vista dei gran beni, e pò
    Se trova delle spine sotto i fiori,
    11Nè un gusto mai ti dà, che fazza prò;

Ma, s'anca no se dasse dei dolori,
    Co ti no ghe starave, perchè sò,
    14Che no se puol servir a do signori.

                            “Da ti no voggio onori,
Per Verginia più no voggio esser chiamada,
    17Per poder scognossua star là serrada”.

La coda è stata aggionta d'altro Autore.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Mondo,_da_ti_me_parto,_e_me_la_batto&oldid=45904"