Molemo o no molemo?

by Maria Gianni

4 Molemo o no molemo? Maria Gianni 1918 XX Poesie triestin

Indice:Trieste vernacola.djvu

Maria Gianni

Molemo o no molemo?

1918

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

MOLEMO O NO MOLEMO?

Al Quartier Generale
Xe seduta segreta,
Che i parla dei Polachi
Ve flocia¹ la «Gazeta».

I parla de le bote
Che li ga ben conzai.
No i sa più da che parte
Andar zercar soldai.

Carleto² al suo compare
Ghe disi: Cossa femo?
El Stato xe in malora,
Molemo o no molemo?

Tirandose i mustaci,
Vardando un dirigibile,
Quel altro ghe rispondi:
— Molar? Ma xe impossibile.

— Ma no ghe xe più viveri,
Xe svoda la cantina...
Prima de andar far pipe³
Mi mazzo la galina.⁴

— Perdemo la corona,
L'onore de la razza...
— La mia no val un soldo,
La xe de carta strazza.

---

Note

1. flocia, ve flocia, vi dà ad intendere fanfaluche
2. Carleto, l'imperatore d'Austria
3. andar far pipe, fig. morire
4. la galina, cioè l'aquila, lo stemma austriaco.