Nell'Isola di Baffo
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Quella Donna, che mai se fà chiavar | Edission e fonte ▼ | A sentir, che do Donne innamorae → |
Nell'Isola di Baffo
Abitava la Dea Madre d'Amor,
Quando in t'un delizioso
Zardin col so moroso
5Buttada sull'erbetta
La ghe cantava un dì sta canzonetta.
Se no fusse el sugo amabile
Del to Cazzo, Adon mio caro,
La mia Mona, che xe fragile
10Proverave un stato amaro.
Sù via donca, o mio diletto,
Del to Cazzo benedetto
Dame el sugo prediletto,
Che più assae del moscatello
15Stimo el sugo del to Osello.
Che vaga al Diavolo
Quei, che no fotte,
Che i possa deventar tante marmotte.
All'incontro sia lodà
20Celebrà
Incoronà
Chi è stà 'l primo, che hà chiavà.
Allora el bell'Adon alla so Diva
Gà messo drento tutta la so piva;
25Nell'atto, che i fotteva,
Col cuor, e colla bocca el ghe diseva,
Oh! Cara, Oh! Benedetta
Danie anca tì l'acquetta,
Che fà la to Cocchetta.
30Più assae dei rosolini
Me piase quei to nini,
Che l'acqua vite,
Che elixir vite,
Che acqua della Regina!
35Per la freve d'amor questa è la China.
In sto momento
Me par, che in Cielo
Dal gran contento
Gabbia l'Oselo.
40Zà me sento un gran furor,
Che vien d'amor.
Oh cara sta to cocca!
Del so liquor
Vìa damene un bon gotto,
45Che beverne ghen voi, finchè son cotto.
Mi vaggo in estasi
De mi son fuora,
Con Marte ancora
Farave guerra
50In Cielo, e in Terra,
Se'l volesse sto cagao
Tiorme fuora de bocca sto bonlao.
Oh, caro Adon,
Ti gà rason,
55Gà dito la Dea Venere
Con parolette tenere,
L'è un gusto cussì grando,
Ch'ogni tristo pensier và tutto in bando.
Ah! Che no posso pì,
60Aspetteme anca mì,
Che voggio vegnir con tì.
Tutti do allora hà dito, oh Dìo! oh Dìo,
E la guerra d'Amor cussì hà fenìo.