Netuno, perso anca elo un dì el giudizio

by Gian Giacomo Mazzolà

3 XLV I cavei de Nina XLIV XLVI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XLV

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XLIV

Edission e fonte ▼

XLVI  →

XLV

Netuno, perso anca elo un dì el giudizio,
     Incotìo ne la povera Medusa,
     Nel tempio de Minerva a la refusa,
     4Senza respeto fato el gh'à el servizio.

Sto sacrilegio in tanto precipizio
     Fa andar la Dea che tuto la recusa,
     De Netuno no val preghiera o scusa,
     8E la vol condanarlo a un gran suplizio.

I Cavei ghe fa bisse deventar,
     E che de chi la varda sia l'acquisto,
     11Ch'i abia in bota de sasso da restar.

Dei Cavei de sta grama al fatal bisto,
     Nina, anca i toi ben posso somegiar,
     14Perchè son restà un sasso co' i go visto.