No posso servirla
|
Edission original: |
Anonimo, Marco e Tòdaro, versi in vernacolo venezian de un mestro de Canaregio, Venezia, tipografia antica ditta Cordela, 1886 |
|
Fonte: |
| ← XIV. I meriti de sior Antonio Rioba | Edission e fonte ▼ | XVI. Marco e Tòdaro → |
“NO POSSO SERVIRLA”
PER UN ALBUM
Se i gavesse fatto credar,
Paroncina benedeta,
Che ghe fosse in mi la grazia
4O la vena de poeta;
La me creda, i chiapa un granzio
Solenissimo, potente;
O de mi i vol torse bàgolo, 1
8O i la ingana indegnamente.
Digo questo, perchè, a ochio,
Par ancuo (Dio ghe perdona!)
Che la tôga per un classico
12La mia povara persona.
Cossa vorla che in ste pagine
Possa métarghe de belo
Un che in testa, se i lo esamina,
16Ga panada e no cervelo?
Da sto semplice preambolo,
Col sestin che Dio ga dà,
Anca ela vede subito
20A che termine se va.
Voler sal, voler del spirito
Da un pedante seco e duro,
(Lo sa dir chi va per ogio) 2
24Xe cavar sangue da un muro.
Per un Album ghe vol l'opera
De quei pezzi da cartelo
Che fa sempre, anca se i pisola,
28Tuto grando, tuto belo.
E a Venezia de sti genii
Ghe n'avemo un gropo, un mazzo,
Anzi un schiapo, 3 un visibilio.
32Un esercito, un scravazzo. 4
Come no, se fra sti zoveni,
Ogni dì che Dio ga fato,
Salta fora e se fa celebre
36Qualche artista o leterato?
Là xe dunque da rivolgerse
Per aver versi, bozzeti,
Fantasie, sentenze, articoli.
40Prose, musiche o soneti.
Mi per mi torno al mio nichio,
E ghe digo: «Cara fia,
La me scusa, el mio silenzio
44No la creda scortesia;
Sarà onesto el desiderio,
Bela idea la soa sarà,
Ma del vin che la desidera
48La mia bote no ghe n'à.»
- Note