O d'Egito piramide famose

by Gian Giacomo Mazzolà

3 LXXI I cavei de Nina LXX LXXII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXX

Edission e fonte ▼

LXXII  →

LXXI

O d'Egito piramide famose,
     O gran sepolcro da Artemisia alzà,
     O bel tempio da Erostrato brusà,
     4O del Re Ciro case deliziose,

O muragie de Menfi portentose,
     O colosso del Sol sproposità,
     O simulacro a Giove dedicà,
     8Del mondo rarità maravegiose!

Vu sete sole fin adesso, è vero,
     Per tanti e tanti secoli, le cegie
     11Gavè fato inarcar al mondo intiero;

Ma chi vede sta Coa, la chiama ancuo
     La maravegia de le maravegie,
     14E no i ve conta più gnanca un stranuo.