Nina, dal caldo no se pol più star

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 86 modifica]
LXXII


Nina, dal caldo no se pol più star,
     Se va tuti in suor, son sobogìo.
     Vustu che in bateleto andemo a Lio
     4A chiapar aria un poco e respirar?

Andemo. Oh quanto mai che à da restar
     Le fie del mar vedendote, ben mio!
     Sbalzarà fora tute a gara, e un nio
     8Le te vegnarà tute atorno a far.

Ele che à fato tanta amirazion
     Per l'onde soe mai prima navegae
     11Vedendo el velo d'oro de Giason,

Pensa, vedendo i to Cavei, che assae
     Più de quelo xe biondi e par più bon,
     14Se le ga de restar maravegiae!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Nina,_dal_caldo_no_se_pol_più_star&oldid=42537"