Sior no che Ovidio no xe un busiaron

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 87 modifica]
LXXIII


Sior no che Ovidio no xe un busiaron,
     Nè gnanca Plauto, come i vien stimà:
     Pur tropo dei Cavei fadai se dà,
     4E no le xe, sior no, fiabe o invenzion.

Sarà, che la mugier d'Anfitrion
     A Pterelao ghe n'abbia uno tagià,
     Sarà, che Sila per amor cavà
     8Ghe n'abia un altro a Niso de scondon;

El sarà stà pur tropo, e adesso el credo,
     Benchè stentasse a crederghe anca mi,
     11Che a mièra in testa a Nina ghe ne vedo:

Che per averli apena un dì vardai,
     Fazzo vite da can fin da quel dì.
     14Vardè se no se dà Cavei fadai!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Sior_no_che_Ovidio_no_xe_un_busiaron&oldid=42885"