Orassion de una mama

by Vittorio Vitturi

3 Orassion de una mama Strade e vicoli Fredo e miseria Botega vecia Vittorio Vitturi 1907 XX Poesie veronese

Indice:Strade e vicoli.djvu

Vittorio Vitturi ―  Strade e vicoli

Orassion de una mama

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  Fredo e miseria

Edission e fonte ▼

Botega vecia  →

ORASSION DE UNA MAMA

     Oh, scoltè, cara Madona,
Sta poarina¹ inzenocià;²
No gh’è al mondo un’altra dona
Come mi più disgrassià!³

     Aiutè, guarì me fiola,
Sto tesoro, sto me amor;
Mi no g'ò che ela sola,
Ela sola del me cor!

     Ve farò de le novene,
Çercarò de digiunar;
Ma levème da ste pene
Ma volime consolar.

     Tanto bona, tanto bela,
Tanto cara come l’è,
La me more sta putéla
Se la grassia no me fe!

     Vu che tanto avì patido
Lontaneme sto dolor;
Mi ve prego, in Vu confido,
Cara mama del Signor!

---

Note

1. [p. 100]Poarina: poveretta
2. [p. 100]inzenocià: inginocchiata
3. [p. 100]disgrassià: disgraziata.