Fredo e miseria

by Vittorio Vitturi

3 Fredo e miseria Strade e vicoli El lunario de la Brà Orassion de una mama Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

Fredo e miseria

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  El lunario de la Brà

Edission e fonte ▼

Orassion de una mama  →

FREDO E MISERIA

(Andando a scola)

     Eco l’inverno: con sto fredo can,
Con la neve, la nebia, el vento, el giasso,¹
E con le strade piene de paltan,²
Quanta miseria che se vede a spasso!

     I puteleti, arfiandose³ in le man,
Co i libri che i ghe intriga⁴ soto el brasso,
E pieni de buganse⁵ — a pian a pian —
I va via ingrotolidi⁶ e senza ciasso.

     Ma se a quei ben tapadi⁷ a colassion⁸
Ghe vien la dona con ’na bona çesta,
Anca i pitochi i g'à la refession.⁹

     Pore creature dal museto¹⁰ tristo,
Mancomal che qualcosa ancora resta
Del socialismo predicà da Cristo!

---

Note

1. [p. 99]Giasso: ghiaccio
2. [p. 99]paltan: fango
3. [p. 99]arfiandose: alitandosi
4. [p. 99]intriga: danno incomodo
5. [p. 99]buganse: geloni
6. [p. 99]ingrotolidi: raggomitolati
7. [p. 99]tapadi: ben vestiti
8. [p. 99]colassion: colazione
9. [p. 99]refession: refezione
10. [p. 99]museto: faccia.